جێگری پارێزگاری هەولێر، بەشداری لەپرسەی خەلیفەی ئیمارات کرد
رۆژی شەممە 2022.5.14، هێمن قادر، جێگری پاریزگاری هەولێر، بەنوێنەرایەتی ئومێد خۆشناو، پارێزگاری هەولێر، بەمەبەستی دەربڕینی هاوخەمی و بەشداریکردن لەپرسەی کۆچی دوایی خەلیفە بن زاید ئالنەهیان، سەرۆکی ئیمارات، سەردانی کونسڵخانەی گشتیی وڵاتی ئیماراتی کرد و لەلایەن ئەحمەد ئەلزاهیری، کونسوڵی گشتی ئیمارات لەهەولێر بەگەرمی پێشوازی لێکرا.
جێگری پارێزگاری هەولێر، پرسە و سەرەخۆشی پارێزگاری هەولێر و خۆی و خەڵکی شاری هەولێری ئاڕاستەی و بنەماڵە و سەرکردایەتی و گەلی ئیمارات کرد و رایگەیاند: "لەبونەیەوە لەدڵەوە خەمبارین، بە ناوی بەڕێز پارێزگاری هەولێر و خۆم و تەواوی هاوڵاتییانی شاری هەولێر، پرسە و سەرەخۆشیی خۆمان ئاڕاستەی جەنابتان و لەڕێگەی ئێوەشەوە لە سەرجەم گەلی ئیماراتی برا دەکەین".
لەلایەن خۆیەوە، ئەحمەد ئەلزاهیری، کونسوڵی گشتی ئیمارات لەهەولێر، بەناوی خۆی و دبلۆماتکارانی کونسڵخانە، سوپاسی پارێزگاری هەولیر و جێگری پارێزگار کرد بۆ بەشدارییکردنیان لە پرسەی کۆچی دوایی خەلیفە بن زاید ئالنەهیان، سەرۆکی ئیمارات.