پارێزگاری هەولێر، سەردانی ئەو پاسەوانەی کرد کە لەنێو کۆلێژی یاسا برینداربوو

رۆژی چوارشەممە 2022.6.29، ئومێد خۆشناو، پارێزگاری هەولێر، بەیاوەری بەڕێوەبەری گشتیی تەندروستی هەولێر و سەرۆکی زانکۆی سەڵاحەدین، لەنەخۆشخانەی ئیمێرجنسی سەردانی ئەو پاسەوانەی کرد کە دوێنێ سێشەممە لەکاتی هێرشکردنەسەر خوالێخۆشبوو (د.کاوان ئیسماعیل) ڕاگری کۆلێژی یاسا برینداربوو.
پارێزگاری هەولێر لەسەردانەکەیدا، لەنزیکەوە لە دۆخی تەندروستیی پرسی و هیوای خواست خودای گەورە شیفای بۆ بنێرێ و بەزووترین کات چاک ببێتەوە و بگەڕێتەوە سەر کارەکەی خۆی، وەکو وەزارەتی ناوخۆ و پارێزگای هەولێریش ئامادەیی هەموو هاوکاری و ئاسانکارییەکی بۆ چارەسەرکردنی نیشاندا.