هەولێر …. ناساندنی کتێبی تایبەت بە شەهید خەجە باوە

هەولێر ….
ناساندنی کتێبی تایبەت بە شەهید خەجە باوە

لە یادی (33) ساڵەی ڕاپەڕین و ڕزگارکردنی شارى هەولێر ئێوارەی ئەمرۆ 11-3-2024 لەژێر چاودێرى و ئامادەبوونى ئومێد خۆشناو، پارێزگارى هەولێرو بنەماڵە و کەس وکارى شەهید خەجە باوە، رێ و رەسمێک بۆ ناساندنی کتێبی ( خەجە باوەو نهێنییەکانی پشت شەهیدبوونی) بەرێوەچوو….

شەهید خــەدیجە ئەحمەد بـــاوە، ناسراو بە (خەجە باوە) لەدایکبووی 1945 لە گوندی مەلاقەرەی سەر بە ناحیەی دیبەگەیە و لەپێناو سەرخستنی بزووتنەوەی ڕزگاریخوازی کوردستاندا باوک و چەندین کەس و ئامۆزایەکی شەهید بوون. خەجە باوەی قارەمان و بوێر کە ئازایەتی و ورەبەرزیی لە باوک و کەسوکارە شۆڕشگێڕەکەیەوە وەرگرتبوو، لە ڕۆژی 11ی ئاداری 1991 بووە پێشەنگی جەماوەری ڕاپەڕیوی هەولێر و بە دروشمەکانی، جەماوەری لەدژی ڕژێم هان دا، شوێنی شەهیدبوونەکەیشی نزیک دایرەی ئەمنی پێشووە کە ئێستا بووەتە ئەنجوومەنی وەزیرانە…