پارێزگاری هەولێر، لەگەڵ هاوسەرۆکانى شارەوانى جزیرێ كۆبووەوە
پارێزگاری هەولێر، لەگەڵ هاوسەرۆکانى شارەوانى جزیرێ كۆبووەوە
ئەمڕۆ هەینی 2024.5.3، ئومێد خۆشناو، پارێزگاری هەولێر، بە یاوەری شوان زراری، پەرلەمانتاری پێشووی پارتی و کارزان عەبدولهادی، سەرۆکى شارەوانى هەولێر و هێمن موراد، بەڕێوەبەرى گشتیى کشتوکاڵی هەولێر و شاندى یاوەرى، سەردانی سەرۆکایەتى شارەوانى جزیرێی کرد و لە لایەن عبدالڕحیم دورمش و گودەر یەرباسان، هاوسەرۆکانی شارەوانی جزیرێ پێشوازى لێکرا.
لە کۆبوونەوەیەکدا، پارێزگارى هەولێر، پیرۆزبایی لە بەڕێزان عبدالڕحیم دورمش و خاتوو گودەر یەرباسان کرد، بە بۆنەى سەرکەوتنیان لە هەڵبژاردنەکان و دەست بەکاربوونییان وەک هاوسەرۆکانی شارەوانی جزیرێ و هیوای سەرکەوتنى لە ئەرك و كارەكانیان بۆ خواستن و ئومێدی خواست جزیرێ وەک شارێکی دیرۆکی هەمیشە لە گەشەسەندن دابێت، تەکیدی لە پەرەپێدانی پەیوەندییەکان کردەوە.
لە تەوەرێکى ترى کۆبوونەوەکەدا، پارێزگارى ههولێر تیشكی خستهسهر ڕەوشی ئابووری و بەهێزکردنى پەیوەندییە بازرگانى و پیشەسازییەکان لە نێوان هەرێمى کوردستان و وڵاتى تورکیا، لەوبارەیەشەوە جەختی لەوەکردەوە لە چوارچێوەى ڕێکار و یاسا و ڕێنماییە بەرکارەکانى هەرێمى کوردستان، هەموو ئاسانکارییەک پێشکەش بە کۆمپانیا و بازرگانان و وەبەرهێنەران دەکرێت.
لەلایەن خۆیانەوە، هاوسەرۆکانى شارەوانى جزیرێ خۆشحاڵى خۆیان بەسەردانى پارێزگارى هەولێر و شاندى یاوەرى نیشاندا و تەئکیدیان لە سەر پەرەپێدانى پەیوەندییەکان کردەووە و ئامادەیی هەموو هەماهەنگیەکیان لەگەڵ پارێزگاى هەولێر نیشاندا.
لە کۆتاییشدا لەلایەن پارێزگارى هەولێر، دیارى پارێزگا، پێشکەش بە هاوسەرۆکانى شارەوانى جزیرێ کرا و لەلایەن هاوسەرۆکانى شارەوانیش دیارى سەرۆکایەتى شارەوانى جزیرێ پێشکەش بە پارێزگارى هەولێر کرا.
