قۆناغێكی نوێی گەیاندنی خزمەتگوزاریی بۆ 241 شەقام لە زۆنی Dی هەشتی حەسارۆك دەستیپێكرد

قۆناغێكی نوێی گەیاندنی خزمەتگوزاریی بۆ 241 شەقام لە زۆنی Dی هەشتی حەسارۆك دەستیپێكرد

ئەو قۆناغەی پڕۆژەكە پێكهاتووە لە كاری خۆڵكاری بۆ 241 شەقام و 3750 پارچە زەوی سوودمەند دەبن

ئەمڕۆ سێشەممە 13/8/2024، بە ئامادەبوونی ساسان عەونی، وەزیری شارەوانی و گەشتوگوزار و ئومێد خۆشناو، پارێزگاری هەولێر و کارزان عەبدولهادی، سەرۆکی شارەوانی و بەڕێوەبەری شارەوانیی چوار و تیمێکی ئەندازیارانی پرۆژەکە لەسەر داهاتی سەرۆكایەتیی شارەوانیی هەولێر، قۆناغێکی نوێ لە زۆنی D لە گەڕەكی 8ی حەسارۆک لە سنووری سەرۆكایەتیی شارەوانیی هەولێر دەستیپێکرد.
ئەو قۆناغەی پرۆژەكە زیاتر لە 3750 پارچە زەوی لێی سوودمەند دەبن و ماوەی تەواوکردنی 180 ڕۆژی ڕۆژژمێری بۆ دیاریکراوە، هەروەها كاری خۆڵكاری بۆ 241 شەقام دەكرێت بە درێژیی ٤٨کیلۆمەتر و لەسەر ڕووبەری: ٧٣،٠٠٠م٢ و بەتەواوبوونی پرۆسەی گەیاندنی خزمەتگوزاری لە هەشتی حەسارۆك زۆر بەرز دەبێتەوە.

ئەو قۆناغەی پرۆژەكە گەیاندنی خزمەتگوزاریی کاری خۆڵکارییە بۆ Zone D لە هەشتی حەسارۆک بە گوژمەی٩٧٢،٧٣٠،٠٠٠ (نۆسەد و حەفتا و دوو ملیۆن و حەفت سەد و سی هەزار، لەسەر داهاتی 100% سەرۆکایەتیی شارەوانیی هەولێر و بەشێوەی ڕاستەوخۆ لەلایەن تیمەكانی سەرۆکایەتیی شارەوانیی هەولێرەوە جێبەجێ دەكرێت.