لە هەولێر.. کۆنسێرتێکی هونەری پێشکەشکرا

لە هەولێر..
کۆنسێرتێکی هونەری پێشکەشکرا

ئەمشەو دووشەممە 2024.12.9، بە ئامادەبوونی ئومێد خۆشناو، پارێزگاری هەولێر، کۆنسێرتی "تیپی موزیکی ڕەسەن" بە سپۆنسەری تۆڕی میدیایی کوردستان سازکرا و تێیدا بە بەشداری ژمارەیەک لە هونەرمەندانی بە ئەزموونی شاری هەولێر چەندین پارچە موزیک و ئاواز و گۆرانی ڕەسەنی کوردی پێشکەش کرا.

لە کۆنسێرتەکەدا، کە هەریەک لە د.عەلی ڕەشید، سەرۆکی ئەنجوومەنی پارێزگای هەولێر و ئاری نانەکەلی، بەرپرسی لقی16 و کەنعان خەیلانی، سەرۆکی فراکسیۆنی پارتی لە ئەنجوومەنی پارێزگا و ژمارەیەکی تر لە هونەرمەندان و هونەر دۆستان ئامادەی بوون، پارێزگاری هەولێر، وێڕای دەستخۆشی لە سەرپەرشتیار و بەڕێوەبەر و هونەرمەندانی بەشداربووی کۆنسێرتەکە، کارە هونەرییەکانی تیپی مۆسیقای ڕەسەنی لە خزمەتکردنی هونەر و کەلتووری کوردی بەرزنرخاندن و ئومێدی بەردەوامی و پێشکەوتنی زیاتری بۆ خواستن.