پەیامی پیرۆزبایی پارێزگارى هەولێر، بە بۆنەی ڕۆژی جيهانی ئافرهتان
پەیامی پیرۆزبایی پارێزگارى هەولێر، بە بۆنەی ڕۆژی جيهانی ئافرهتان
بە بۆنەی 8ـی مارس ڕۆژی جيهانى ئافرهتان، پیرۆزبایی ئاراستەی ئافرەتانی جیهان و کوردستان بەگشتیى و هەولێرى پایتەخت بەتایبەتى دەکەین و دەستخۆشی لە سەرجەم ڕێکخراوە حکومی و ناحکومی و دامەزراوهکان دەکەین کە داکۆکیکاری مافەکانی ئافرەتانن لە کوردستان.
ئافرەتانی کوردستان بەگشت پێکهاتەکانی بە درێژایی مێژوو لە خەبات و تێکۆشانی بزافی ڕزگاری خوازی گەلەکەمان لە بوارە جیاجیاکان شان بەشانى پیاوان، ڕۆڵى دیار و کاریگەریان هەبووە، ئەمڕۆش بە کردەیی ڕۆڵی دیاریان هەیە لە دامەزراوە فەرمیی و حکومیەکان، بەرزبوونەوەی ڕێژەی ئافرەت له تەواوی بوارهكاندا ئاماژەیەکی گرنگی بە هێزبوونی بنەماکانی یەکسانییه لە هەرێمی کوردستان. ئومێدى سەرکەوتن و هیوای بەختەوەریان بۆ دەخوازین.
دووبارە ئەم یادە پیرۆزبێت و سڵاو و درود بۆ گیانی هەموو ئەو ئافرەتە قارەمانانەی لە پێناو مافە ڕەواکانی گەل و نیشتیمانەکەمان گیانی خۆیان کردە قوربانی.
ئومێد خۆشناو
پارێزگارى هەولێر
2025.3.8