خولی پێنجەمی تۆپی پێی سەرۆکایەتی شارەوانی هەولێر دەستی پێکرد

خولی پێنجەمی تۆپی پێی سەرۆکایەتی شارەوانی هەولێر دەستی پێکرد

شەوی یەکشەممە 2025.3.9، بە ئامادەبوونی ئومێد خۆشناو، پارێزگاری هەولێر و د.عەلی ڕەشید، سەرۆکی ئەنجوومەنی پارێزگای هەولێر و نەبەز عەبدولحەمید، قائیمقامی ناوەندی و کارزان عەبدولهادی، سەرۆکی شارەوانی هەولێر و دلێر محمەد، بەڕێوەبەری گشتیی گەشت و گوزار و ژمارەیەکی تر لە بەڕێوەبەرانی فەرمانگە و دام و دەزگا حکومییەکان، لە ژێر چاودێری سەرۆکی شارەوانی هەولێر، خولی پێنجەمی تۆپی پێی سەرۆکایەتی شارەوانی هەولێر بە یاری نێوان هەردوو تیپی پارێزگای هەولێر و سەرۆکایەتی شارەوانی دەستی پێکرد.

لەم خولەدا کە 18 تیپی فەرمانگە و دام و دەزگا حکومیەکانی سنووری سەرۆکایەتی شاروانی هەولێر بەشدارن، بۆ ماوەی 15 ڕۆژ بەردەوام دەبێت.

لەدەستپێکی خولەکەدا، پارێزگاری هەولێر، وێڕای دەست خۆشی لەسەرۆکایەتی شارەوانی هەولێر، هیوای سەرکەوتنی بۆ خولەکە و یاریزانان و بەشداربووانی خواست.