پەیامی پیرۆزبایی پارێزگاری هەولێر بەبۆنەی 102 ساڵەی بە پارێزگا بوونی هەولێر

پەیامی پیرۆزبایی پارێزگاری هەولێر بەبۆنەی 102 ساڵەی بە پارێزگا بوونی هەولێر

بەناوی خودای بەخشندە و میهرەبان

بە بۆنەی 102 ساڵەی بە پارێزگابوونی هەولێر، قەڵای بەرز و پڕشکۆی پێکەوە ژیان و یەکترقەبوڵکردنی ئاینی، پیرۆزبایی لە دانیشتوانی شارەکەمان بە تایبەتی و سەرجەم کوردستانیان بە گشتیی دەکەین.

ئومێد دەکەین هەمیشە هەولێری سەربەرز، هەولێری سیمبولی ئاوەدانی، ئارامی، سەرتۆپکی مقاوەمەت و پێشەنگی ئازادیخوازی و خۆڕاگری و بەرگری، سەرقافڵەی قوربانیدان و خەبات، هەڵگری ئاڵای بەیەکەوە ژیان و تەبایی و برایەتی، بە گەشاوەیی و جوانی و ئاوەدانی و ئارامی بمێنێتەوە، کە ئەمڕۆ بۆتە ناوەندی هاوکێشە سیاسییەکان و بڕیاری یەکلاکەرەوە.

جارێکی دیکە 102 ساڵەی بە پارێزگا بوونی هەولێر لە خۆمان و دانیشتوانی خۆشەویستی شارەکەمان و هەموو کوردستانیان پیرۆزبێت.

ئومێد خۆشناو
پارێزگاری هەولێر
2025.4.12