لە هەولێر ... سێیەمین فیستیڤاڵی وەرزشی ئافرەتان دەستی پێکرد

لە هەولێر ...
سێیەمین فیستیڤاڵی وەرزشی ئافرەتان دەستی پێکرد

ئەمڕۆ شەممە 2025.4.26، بە ئامادەبوونی ئالان حەمەسەعید، وەزیری پەروەردە و ئومێد خۆشناو، پارێزگاری هەولێر و ئاریان صلاح الدین، بریکاری وەزارەتی ڕۆشنبیری و بەختیار فەریق، ڕاوێژکاری سەرۆکی حکومەت بۆ کاروباری وەرزش و سەردار ئیسماعیل، بەڕێوەبەری گشتیی وەرزش و ژمارەیەکی تر لە بەرپرسانی وەرزشی و وەرزشوانان و وەرزش دۆستان، لە هۆڵی داخراوی کۆلێژی پەروەردەی جەستەیی و زانستە وەرزشیەکانی زانکۆی سەلاحەددین، لە هەولێری پایتەخت، سێیەمین فیستیڤاڵی تایبەت بە وەرزشی ئافرەتان لەسەر ئاستی هەرێمی کوردستان و عێراق، کە لەلایەن لێژنەی یەکسانی لە لێژنەی ئۆڵۆمپی عێراقی بە هەماهەنگی بەڕێوەبەرایەتی گشتیی وەرزش و لێژنەی ئۆڵۆمپی لقی هەولێر و بەبەشداری چەندین یانەی وەرزشی ئافرەتانی کوردستانی و عێراقی ڕێکخراوە دەستی پێکرد.

لە ڕێورەسمەکەدا، پارێزگاری هەولێر، وێڕای دەستخۆشی لە سەرپەرشتیار و ڕێکخەرانی، هیوای سەرکەوتنی بۆ یانەکان و وەرزشوانانی بە شداربووی فیستیڤاڵەکە خواست.