ئاهەنگی دەرچووانی قوتابیانی زانکۆی تیشك

ئاهەنگی دەرچووانی قوتابیانی زانکۆی تیشك

شەوی سێشەممە 2025.9.30، ئومێد خۆشناو، پارێزگاری هەولێر، بەشداربوو لە ئاهەنگی دەرچووانی قوتابیانی زانکۆی تیشک بۆ ساڵی خوێندنی 2024 - 2025.

لە ڕێورەسمەکەدا، کە ژمارەیەکی بەرچاوو لە بەرپرسانی حکومی و سەرۆکی زانکۆ و ڕاگری کۆلێژەکان و مامۆستایان و کەسوکاری قوتابیان ئامادەیی بوون، پارێزگارى هەولێر، وێرای پیرۆزبایی کردن لە قوتابیان و مامۆستایانی زانکۆ و کەسوکاری قوتابیان، ئومێدى خواست قوتابیان لە دوای دەرچوونیان لە زانکۆ، لە بواری پراكتیكیدا توانا هزری و مەعریفەکانیان بخەنە گەڕ لە پێناو خزمەتکردنی نیشتیمان و ئەو پسپۆڕی و شارەزاییەی کە لە زانکۆ فێری بوونە، بەکاری بهێنن بۆ پێشكەوتن و گەشەپێدانی زیاتری كوردستان.