پارێزگارى هەولێر، بەبۆنەى خانەنشین بوونی، ڕێزلێنانى بەخشى بە یاریدەدەری پارێزگار

پارێزگارى هەولێر، بەبۆنەى خانەنشین بوونی، ڕێزلێنانى بەخشى بە یاریدەدەری پارێزگار

ئەمرۆ دووشەممە 2026.1.5، ئومێد خۆشناو، پارێزگارى هەولێر، بە ئامادەبوونی هێمن قادر، جێگری پارێزگار و سەرجەم بەڕێوەبەرانی بەشەكانی نێو دیوانی پارێزگا، لە ڕێورەسمێكی تایبەتدا لە پای ئەو خزمەتە زۆرەی لە ماوەى ساڵانى ڕابردووى تەمەنیدا پێشکەشی کردووە و بە بۆنەى خانەنشین بوونی لە پۆستی یاریدەدەری پارێزگاری هەولێر، ڕێزلێنانى پارێزگاى بەخشى بە ( ئەكرەم ئەحمەد ).

پارێزگارى هەولێر، لە وتەیەكدا، وێڕاى پیرۆزبایی، ئەرک و ڕۆل و ماندووبوون و ئەزموونی بەڕێزیان لە خزمەتکردنى هاوڵاتییان و پارێزگا بەرز نرخاند، بەتایبەتی ڕۆڵیان لە كاروباری پارێزگا و دەستخۆشی لێكرد كە ئەو ماوەیەی لە پۆستی یاریدەدەری پارێزگار بووە دڵسۆزانە كارەكانی هاوڵاتییانی ڕاییكردووە.

گوتیشی، ڕاستە بەڕێزتان بە فەرمی لە پارێزگا ئەركەكانتان بەكۆتا هاتووە و خانەنشین بوون، بەڵام پارێزگا هەمیشە ماڵى تۆ بووە و هەر بەو شێوەیەش دەمێنێتەوە.

لە کۆتایشدا لەلایەن پارێزگارى هەولێرەوە، ڕێزلێنان و خەڵاتى تایبەتی پارێزگای هەولێر، پێشکەش بە بەڕێز ( ئەكرەم ئەحمەد ) کرا.