پارێزگاری هەولێر، پێشوازیی لە سكرتێری گشتیی یەکێتی نەتەوەیی دیموکراتی کوردستان كرد
پارێزگاری هەولێر، پێشوازیی لە سكرتێری گشتیی یەکێتی نەتەوەیی دیموکراتی کوردستان كرد
ئەمڕۆ چوارشەممە 2026.1.28، ئومێد خۆشناو، پارێزگاری هەولێر، لە دیوانی پارێزگا، پێشوازیی لە غهفوور مهخمووری، سكرتێری گشتیی یەکێتی نەتەوەیی دیموکراتی کوردستان و شاندێكی یاوەری كرد.
لە دیدارەكەدا، وێڕای ئەوەی هەردوولا جەختیان لە پتەوكردنی پەیوەندییەكان بە رۆحی نهتهوهیی و نیشتیمانی و پهرهپێدانی دیموكراسی و پێكهوه ژیان و كار كردن بۆ بهرژهوهندیه باڵاكانی وڵات كردەوە، شاندی میوان سوپاسی پارێزگاری هەولێریان كرد بۆ هەموو ئەو هەماهەنگی و هاوکاری و ئاسانکاریانەی کە لە ماوەی ڕابردوودا بۆ سەرخستنى کارکردنیان پێشکەشیان کراوە.
پاشان پێزانینی خۆیان بە پارێزگاری هەولێر گەیاند سەبارەت بە ئەنجامدان و ڕاگەیاندنی كەمپینی هەولێر بۆ هاوكاری و یارمەتیدانی خوشك و برایانمان لە ڕۆژئاوای كوردستان و جەختی لەسەر هەموو هەماهەنگیەك و هاوكارییەك لەگەڵ پارێزگای هەولێر كردەوە.
لەلایەن خۆیەوە پارێزگاری هەولێر، ئاماژەی بە کەمپەینی هاوكاری و کۆکردنەوەی كۆمەك و گەیاندنی یارمەتیەكان بە دەست خوشک و برایانمان لە ڕۆژئاوای کوردستاندا وەك ئەركێكی نیشتیمانی و نەتەوەیی سەرشانی هەموو لایەك و ساتیشی ڕۆڵی هاونیشتیمانیان و هەموو ئەو كەس و لایەنانەش كرد كە بەردەوامن لە پشتگیری و پاڵپشتی كەمپینەكە.
