دەربارەی کارو پرۆژە خزمەتگوزارییەکان: کۆبونەوەیەکی فراوان لەگەل بەرپرسانی یەکەی کارگێرییەکان وجەماوەری سنووری لقی ٢٣ ی مەخموور پارتی ئەنجامدرا

دەربارەی کارو پرۆژە خزمەتگوزارییەکان:  کۆبونەوەیەکی فراوان لەگەل بەرپرسانی یەکەی کارگێرییەکان وجەماوەری سنووری لقی ٢٣ ی مەخموور  پارتی ئەنجامدرا

دەربارەی کارو پرۆژە خزمەتگوزارییەکان:
کۆبونەوەیەکی فراوان لەگەل بەرپرسانی یەکەی کارگێرییەکان وجەماوەری سنووری لقی ٢٣ ی مەخموور پارتی ئەنجامدرا

ئەمڕۆ یەکشەممە 3-12-2023 ، بەسەرپەرشتی سەربەست لەزگین، بەرپرسى مەکتەبى ڕێکخستنى هەولێرى پارتى و ئومێد سەباح، سەرۆکى دیوانى ئەنجومەنى وەزیرانى حکومەتى هەرێم و ئومێد خۆشناو، پارێزگاری هەولێر، و سەنگەر کانەبی بەرپرسی لقی ٢٣ی مەخمور و ئامادەبوونی چیا هەرکی، یاریدەدەری بەرپرسی مەکتەبی ڕێکخستنی هەولێری پارتی و مەسعود کاڕەش، جێگری پارێزگاری هەولێر، لە بارەگای لقی 23ی مەخموری ( پ د ك ) لە بارەى کارو پڕۆژە خزمەتگوزارییەکانى حکومەتى هەرێمى کوردستان، کۆبوونەوەیەکى فراوان لەگەڵ قائیمقام و بەڕێوەبەرى ناحییەکان و بەرپرسانى یەکە ئیدارییەکانى ناوچەکە و سەرجەم بەڕێوەبەرانى فەرمانگە خزمەتگوزارییەکانى ناوچەکە و ئاسایش و پۆلیس و جەماوەرى سنوورەکە ئەنجامدرا.
لە کۆبوونەوەکەدا، گفتوگۆیەکی کراوە دەربارەی پلانی ستراتیژیانەی کابینەی نۆیەمی حکومەتی هەرێمی کوردستان کرا و بەرژەوەندی گشتی هاوڵاتیان وەك بژاردەیی سەرەکی کارنامەی کابینەکە هاتە هەژماردن و لەو نێوەندەشدا جەخت لە پاراستن و بەردەوامی قەوارەی هەرێمی کوردستان و ماف و بەرژەوەندیەکان دووپاتکرایەوە…
لە تەوەرێکی تری کۆبوونەوەکەدا، تەئکید لەوەکرایەوە کە خەڵكی سنوورەکە شایستەی ئەوەن باشترین خزمەتگوزاریان لە سەرجەم سێکتەرە جیاجیاکان پێشکەش بکرێت، پاشان گفتوگۆ لە بارەى ئەنجامدانی پڕۆژەکان بەیەکسانی لە ناوەندى قەزا و گوند و ناحییەکانى سنوورەکە کرا، بەتایبەتى لەو شوێنانەى کە پێویستیان بە ئاوەڕ لێدانەوەى زیاتر هەیە.
هەر لە کۆبوونەوەکەدا، پلان و بەرنامەى پارێزگاى هەولێر بۆ ساڵى 2024، لە چوارچێوەی پڕۆژەکانى پەرەپێدانى پارێزگاى هەولێر خرایەڕوو و بەرسڤی سەرجەم پرس و داخوازیەکان درایەوە.