پارێزگاری هەولێر، سەردانی بەرەی تورکمانی عێراقی کرد

پارێزگاری هەولێر، سەردانی بەرەی تورکمانی عێراقی کرد

ئەمڕۆ چوارشەممە 2024.4.24، ئومێد خۆشناو، پارێزگاری هەولێر، بەمەبەستی پیرۆزبایی بەبۆنەی (29) ساڵەی دامەزراندنیان، سەردانی بارەگای بەرەی تورکمانی عێراقی کرد و لەلایەن ئایدن مەعروف، ئەندامی مەکتەبی سیاسی و لێپرسراوی هەولێر پێشوازی لێکرا.

پارێزگاری هەولێر، وێڕای پیرۆزبایی تەئکیدی لەسەر پەرەپێدانی پەیوەندییەکان کردەوە، هەروەها تیشکی خستەسەر پتەوکردنی زیاتری برایەتی و پێکەوە ژیانی مێژوویی گەلی کورد و گەلی تورکمان و تەواوی پێکھاتەکانی تری هەرێمی کوردستان، کە بووەتە بەشێكی گرنگی هەرێم و هەولێری پایتەخت و وەك نموونەیەكی سەركەوتوو و جێگای سەرنجی كۆمەڵگای نێودەوڵەتی لە قەڵەم دەدرێت.