لە هەولێر .. ڕۆژی جیهانی پەرستاران بەرز ڕاگیرا

لە هەولێر ..
ڕۆژی جیهانی پەرستاران بەرز ڕاگیرا

ئێوارەی ئەمڕۆ یەکشەممە 2024.5.12، بە ئامادەبوونی د.سامان بەرزنجی، وەزیری تەندروستی و ئومێد خۆشناو، پارێزگاری هەولێر، سەندیکای کارمەندانی تەندروستی بە هەماهەنگی زانکۆی جیهان، بەبۆنەی ڕۆژی جیهانی پەرستاران ڕێورەسمێکى تایبەتى سازکرد.

لە ڕێورەسمەکەدا، کە ژمارەیەک لە بەرپرسانی حزبی و حکومی و پزیشک و پەرستاران ئامادەی بوون، پارێزگاری هەولێر لە وتارێکدا، وێڕای پیرۆزبایی بەبۆنەی ڕۆژی جیهانی پەرستاران، دەست خۆشی لە سەرپەرشتیار و ڕێکخەرانى ڕێورەسمەکە کرد و تیشکی خستەسەر ڕۆڵ و کاریگەری دیار و بەرچاووی پەرستاران لە بەهانەوەچوون و هاریکاری و یارمەتیدانی نەخۆش لە نەخۆشخانەکان، کە گەلێک جار گیانی خۆیان کردۆتە قوربانی لە پێناو پاراستنی سەلامەتی و تەندروستی هاوڵاتییان.