لەسەر قەڵا... ڕێورەسمێکی تایبەت بۆ مانگی تابان سازکرا

لەسەر قەڵا...
ڕێورەسمێکی تایبەت بۆ مانگی تابان سازکرا

شەوی چوارشەممە 2024.9.18، بە ئامادەبوونی ئومێد خۆشناو، پارێزگاری هەولێر و یان برێم، کونسوڵی گشتیی فەڕەنسا لە هەولێر و ژمارەیەکی تر لەنوێنەران و نێردەی وڵاتان و ستافی کونسلخانە، ئەنستیتوتی فەڕەنسی لە هەولێر، ڕێورەسمێکی تایبەتی بەسەیرکردنی مانگی تابان و چەند چالاکییەکی دیکەی تایبەت بەم بۆنەیەوە ئەنجامدا.

جێگەی باسە، مانگی تابان، ئەو كاتەیە كە مانگ لە نزیكترین خاڵ و شوێندایە لەگەڵ هەسارەی زەوی و لە هەمان كاتیشدا پڕە و بەڕێژەی 30% گەورەتر دەردەکەوێت‌ و پرشنگ‌ و ڕوناکییەکەیشى دوو هێندەى ڕوناکى مانگى چواردەیە و جوانییەکی تایبەت دەبەخشێت، ئەمشەویش لە ئاسمانی هەولێری پایتەخت و هەرێمی کوردستان بەو شێوەیە بەدیار کەوتووە.