لە هەولێر.. پەیمانگەی پیشەیی خوێندنی ئینگلیزی کرایەوە
لە هەولێر..
پەیمانگەی پیشەیی خوێندنی ئینگلیزی کرایەوە
ئەمڕۆ پێنجشەممە 2023.10.19، بە ئامادەبوونى ئالان حەمە سەعید، وەزیرى پەروەردەى حکومەتى هەرێم و ئومێد خۆشناو، پارێزگارى هەولێر، لەڕێورەسمێکدا پەیمانگەی پیشەیی هەولێر خوێندنی ئینگلیزی لە گەڕەکی ڕووناکى شارى هەولێر کرایەوە.
لەڕێورەسمەکەدا کە هەریەک لە بەڕێوەبەرى گشتیى پەروەردە و ژمارەیەکى دیکە لە سەرپەرشتیارانى پەروەردەیی و مامۆستایان ئامادەى بوون، دواى بەسەرکردنەوەى هۆڵەکانى خوێندن و بەشەکانى پەیمانگاکە، پارێزگارى هەولێر وێڕاى پیرۆزبای لەمامۆستایان و قوتابیانى، ئاماژەى بەوەدا کە کردنەوەى ئەم پەیمانگایە هەنگاوێکى ترى حکومەتى هەرێمى کوردستانە بە ئاڕاستەى پەرەپێدانى زیاتر بەکەرتى پەروردە و فێرکردن لە هەرێمى کوردستان و ئومێدى خواست پڕۆسەى خوێندن و پەروەردە بە هەوڵ و کۆششى مامۆستایانى بەڕێز سەرکەوتنى زیاتر و دەرەنجام و دەستکەوتى بەرزى زانست پتر بۆ قوتابیان و خوێندکاران بەدەستبهێنێ.
