شاندی باڵای دەوڵەتی ئیمارات لە هەولێر بەرێ خران

شاندی باڵای دەوڵەتی ئیمارات لە هەولێر بەرێ خران

شەوی پێنجشەممە 11.9.2025 هەریەکە لە سەفین دزەیی، بەرپرسى فەرمانگەى پەیوەندییەکانى دەرەوەى حکومەتى هەرێم و ئومێد خۆشناو، پارێزگارى هەولێر ، لە فرۆکەخانەی نێودەوڵەتی هەولێر، خواحافیزیان لە شاندی باڵای دەوڵەتی ئیماراتی کرد، کە بە سەرۆکایەتی سەعید موبارەک هاجری، وەزیری دەوڵەت و نێردەی وەزیری دەرەوەی ئیمارات بۆ کاروباری تایبەت بە هەرێمی کوردستان سەردانی هەولێری پایتەختیان کردبوو …

شایەنی باسە، شاندەکەی دەوڵەتی ئیمارات لە چوارچێوەی سەردانەکەیاندا چەندین دیدارو کۆبوونەوەیان بۆ پەرەپێدانی پەیوەندییە سیاسی و بازرگانییەکانیان لەگەڵ هەرێمی کوردستان ئەنجامدا ..
جێگەى باسە، ئیمارات یەکێکە لە گەورەترین هاوبەشە بازرگانییەکانی هەرێمی کوردستان و ئەو وڵاتە لە ساڵی 2006ەوە وەبەرهێنان و کارە بازرگانییەکانی لە هەرێمی کوردستاندا پەرەپێداوە، بەتایبەت لە کابینەی نۆیەمی حکومەتی هەرێمی کوردستان کار بۆ بەهێزکردنی ئەم پەیوەندییە ئابوورییە زیاتر کراوە و زیاتر لە 203 کۆمپانیای ئیماراتی لە هەرێمی کوردستان کاردەکەن، کە 15یان کۆمپانیای گەورەن و بە فراوانی کاری بازرگانی دەکەن.