بەئامادەبوونى پارێزگارى هەولێر، شانۆگەرى (رەشپۆشێكی بێدەنگ) لەپارکى شار نمایشکرا

دواى نیوەڕۆى یەکشەممە 2022.5.8، بەئامادەبوونى ئومێد خۆشناو، پارێزگارى هەولێر، بەیاوەرى نەبەز عەبدولحەمید، قائیمقامى ناوەند و فەرهەنگ غەفوور، بەڕێوەبەرى گشتی ڕۆشنبیرى و هونەرى هەولێر و هیوا سوعاد، سەرۆکى لقى هەولێرى سەندیکاى هەونەرمەندان و ژمارەیەکى تر لەهونەرمەندان و هونەر دۆستان، لەپارکى سەنتەرى شار شانۆگەرى (رەشپۆشێكی بێدەنگ) بەهاوکارى سەندیکاى هونەرمەندان لەلایەن کۆمەڵیک لە خانمانى شانۆکارى سلێمانى و ئامادەکردن و دەرهێنانى هونەرمەند (فرمێسک مستەفا) نمایش کرا.
دواى نمایشەکە، پارێزگارى هەولێر وێڕاى دەست خۆشى لەشانۆکاران و دەرهێنەر و سەندیکاى هونەرمەندان، هیواى سەرکەوتن و بەردەوامى بۆ خواستن.