لەهەولێر .. بەبۆنەی یەکی ئایار ئێوارە ئاهەنگێک بۆ کرێکاران سازکرا
لەهەولێر ..
بەبۆنەی یەکی ئایار ئاهەنگێک بۆ کرێکاران سازکرا
ئێوارەی دووشەممە 2023.5.1، بەئامادەبووی ئومێد خۆشناو، پارێزگاری هەولێر و ژمارەیەکی تر لە بەرپرسان و کرێکاران، ناوەندی ڕەگ بۆ هوشیاری و ڕاگەیاندن بە هەماهەنگی لەگەڵ وەزارەتی کارو کاروباری کۆمەڵایەتی و بەڕێوەبەرایەتی ئەندازەی پارکانی هەولێر، بەبۆنەی یەکی ئایار ڕۆژی جیهانی کرێکاران ئێوارە خوان و ئاهەنگێکیان سازکرد.
لە ڕێورەسمەکەدا، پارێزگاری وێڕای دەستخۆشی لەسەرپەرشتیارانی ڕێورەسمەکە، ڕایگەیاند: "وەکو پارێزگای هەولێر لە چوارچێوەی یاسای کار لە هەرێمی کوردستان کە لە ماوەی ڕابردوودا، بەشێک بووە لە چاکسازییەکانی کابینەی نۆیەم لە بواری باشترکردنی ژیان و مسۆگەرکردنی مافەکانی کرێکاران لە ڕووی تەندروستی و سەلامەتی پیشەیی و دابینکردنی مافە یاساییەکانیان و سنووردانان بۆ هەموو جۆرە ستەم و چەوساندنەوەیەکی کرێکاران، پابەندبوونی خۆمان بە پاراستنی ماف و دەستەبەرکردنی ژینگەیەکی لەباری کارکردن لە هەردوو کەرتی گشتی و تایبەتیدا دووپات دەکەینەوە".